MATTHEW BALDWIN
Zuzendariorde nagusia, C, D eta E Zuzendaritzen gaineko ardurarekin. Mugikortasuneko eta Garraioko Zuzendaritza Nagusia (MOVE).
2016ko uztailaren 16tik aurrera: Zuzendariorde nagusia, C, D eta E Zuzendaritzen gaineko ardurarekin. Mugikortasuneko eta Garraioko Zuzendaritza Nagusia (MOVE).
2014/11 – 2016/07: Hill komisarioaren kabineteko buru.
09/2014 – 11/2014/: Zuzendariorde nagusia, E, F, G eta H Zuzendaritzen gaineko ardurarekin, Merkataritzako Zuzendaritza Nagusia (TRADE).
2011/03 – 2014/09: Zuzendaria, Abiazioa eta Nazioarteko Garraioa.
Lau unitatez osaturiko talde trinko baten arduradun, honako eginkizun hauekin: nazioarteko garraio politikaren koordinazioa, EBren nazioarteko abiazioari buruzko negoziazioak; abiazioaren merkatu bakarraren garapena; Europako Zeru Bakarraren garapena, Europako airetiko trafikoa kontrolatzeko sistemarentzat; aireko segurtasunarekin loturiko gaiak; EBren harremanak Nazioarteko Abiazio Zibileko Erakundearekin (ICAO); abiazioa eta ingurumena; aireportuak eta azpiegiturak, Mugikortasuneko eta Garraioko Zuzendaritza (MOVE).
2010/01 – 2011/03: Zuzendaria, Merkatuetarako Sarbidea eta Industria.
Hiru unitatez osaturiko talde baten zuzendaria, honako gai hauekin loturiko eginkizunekin: merkatuetarako sarbidea; Merkataritzako Zuzendaritza Nagusiaren harremanak industriako hainbat sektorerekin eta Business Europe-rekin (lehengai politikari, aireko espazioari eta ibilgailuei buruzko hainbat gai zehatz barne), eta zergei eta merkataritzarako arauzko oztopo edo oztopo teknikoei buruzko hainbat gai zehatz, alde biko edo alde anitzeko negoziazio sorta bat barne (TRADE).
2007/09 – 2010/01: Aholkularia Barroso presidentearen Kabinetean.
Barrosoren kabineteko goi-mailako kidea, energiarekin eta klimarekin, merkataritza politikarekin eta garapenarekin loturiko gaien arduraduna. Zehazkiago, Hirugarren Energia Paketearen arduradun izan nintzen Errusiarekin eta Ukrainarekin izandako 2009ko gasaren krisiarekin loturiko gaietan, Kopenhageko Klima Aldaketari buruzko Biltzarrarekin loturiko gaien arduradun, baita merkataritzarekin lotuta “gori” zeuden gai sorta baten arduradun ere; esaterako, Dohako Erronda, anti-dumping kasuak, AEB, Txina, Errusia, Mercosur eta abarrekiko harremanak.
2007/04 – 2007/04: Burua Merkataritza Politika Aldeaniztuneko Unitatean (TRADE).
Dohako Errondako negoziazioen arduradun, Munduko Merkataritza Erakundearen (MME) atxikitze negoziazioena, esportatzeko kredituena eta erabilera bikoitzeko produktuena. Kargu honetan eman nuen denbora eten egin zen Barroso presidentearen kabinetean sartzeko gonbidapena jaso nuenean, 2007ko udan.
2004/10 – 2007/04: Unitateko burua, Merkatuetarako Sarbidea (TRADE).
EBko Merkatuetarako Sarbide Estrategiaren eta Garapen Bidean diren Herrialdeei Esportatzeko Laguntza Teknikoa eskaintzeko EBren Zerbitzuko arduraduna, baita EBren eta AEB, Kanada, Australia, Zeelanda Berria, Europako Merkataritza Libreko Erkidegoa eta Faroe Uharteen arteko merkataritza harremanetarakoa ere. Bestalde, zortzi hilabetez lan egin nuen jarduneko zuzendari gisa E Zuzendaritza guztien gaineko erantzukizunarekin; besteak beste, merkataritza industrialarekin eta esportazioetako merkataritza politikarekin loturiko gaietan; adibidez, esportazioetarako kredituekin eta erabilera bikoitzeko ondasunekin loturikoak.
1999/09 – 2004/10: Alboko burua Pascal Lamy komisarioaren kabinetean.
Lamyren kabineteko merkataritza zorroaren kudeaketaren, merkataritzako politika aldeaniztunaren eta EBren aldebiko merkataritza harremanen (AEB, Kanada, Japonia, Errusia, Txina, Mexiko eta beste herrialde batzuekin) arduradun. Nabarmentzekoak dira 1999 eta 2004 artean Dohako Erronda abian jartzeko eta harekin jarraitzeko negoziazio konplexu eta zailak, honako hauek barne: Munduko Merkataritza Elkartearen Seattleko, Dohako eta Cancuneko ministro konferentziak, Mexikorekiko merkataritza askeko eremua, Txinaren eta MMEren atxikitze negoziazioen burutzea, Errusiarekiko harremanak (atxikitze negoziazioak barne), eta EB-AEB merkataritza eztabaida konplexuak, honako gai hauekin loturikoak: Boeing/Airbus Kanpoan Saltzeko Korporazioak, bananak eta haragiaren hormonak.
